Мамырдың 17-сі күні облыстық № 2 әмбебап ғылыми кітапханасының  халыққа қызмет көрсету бөлімінің   жылдағы дәстүр бойынша «Бір ел –бір кітап»  акциясы  «Жыл кітабы-2018» таңдауы- Қазақстан Республикасының  гуманитарлық ғылымдар академиясының академигі, филология ғылымдарының докторы, жазушы, аудармашы, Күлтегін және Франц Кафка сыйлықтарының иегері, ғұлама ғалым Немат Келімбетовтің «Үміт үзгім келмейді» шығармасы бойынша қаламыздың Даңқ аллеясына әдеби бульвар ұйымдастырылды.

Биылғы жылы барша халық Ұлы Жеңістің 73-жылдығын тойлап, атап өтуде. Осы атаулы күнге орай Арқалық қаласындағы  №2 ОӘҒК «Соғыс жаңғырығы  және жүректегі естелік»  атты поэзия кеші өткізілді.

Кітап – рухани қазынаның киелі шаңырағы. «Болашаққа бағдар: рухани жаңғыру» бағдарламасын бағытқа ала отырып, Торғай елінің ардақты перзенті, Қазақстан Республикасына еңбегі сіңген мәдениет қызметкері, халық күйінің шебер орындаушысы, білікті дирижер, сазгер, сан қилы өнер иесі, «Торғайдың Шәмшісі» атанған Болат Хамзиннің 80 жылдығына арналған «Әнімен тербеген кең даланы» естелік кеші өтті.

Әрбір адамда өзінің шағын Отаны болады. Бұл жердің шағын бұрышы және онымен адам өмір бойы байланысты. Дәл осы бұрыштан, біз қоршаған әлемді,  өзімізді тани бастаймыз, дәл осы жерде біз туған табиғатымызға жақын болып, оны таза ауасын сезінеміз. Біз Арқалықты даңқты тарихымен, дәстүрлерімен, қазіргі заманғы жетістіктерімен  мақтан  тұтамыз.

Облыстық № 2 әмбебап ғылыми кітапханасының әдістеме-библиография бөлімінің ұйымдастыруымен «23 сәуір – Дүниежүзілік кітап және авторлық құқық күніне» орай Елбасы Н. Ә. Назарбаевтың «Тәуелсіздік дәуірі» атты кітабының тұсау кесер рәсімі өткізілді.