Венгрия «Аударыспақ Хунгари» федерациясының президенті Иштван Бенценің «Жібек жолы» салт атты экспедициясы сапар барысында Арқалыққа аялдады.

Өткен ғасырда қазақ зиялылары бастаған Алаш үкіметінің  арман мақсаты да ұйқыдағы халықты оятып, Тәуелсіз ел болу еді. Мінеки, сол Тәуелсіз Қазақстан тарихында биыл ерекше жыл. Елбасының «Болашаққа бағдар: рухани жаңғыру» бағдарламаның аясында және алаш қозғалысына 100 жыл толуына орай, жылдағы дәстүр бойынша «Бір ел –бір кітап» акциясы алаштың ардақты ақыны, қайталанбас тұлға, артына өшпес із қалдырған, қазақтың маңдайына біткен шоқ жұлдыздарының бірі Сұлтанмахмұт Әубәкірұлы Торайғыровтың шығармаларына арналады.

Сұлу дала! Менің сүйген еркемсің,

Жаным сенен жаратылған өлкемсің. 

Қандай жақсы, қазақ болып туғаным,

О, туған жер, тамашасың көркемсің!.

28 қыркүйек 2017 жылы Облыстық әмбебап ғылыми кітапханасында «Кітапхана түні-2017» атты іс шарамыз екінші рет сағат 18.00. - 22.00. өткізілді. Кітапсақтау бөлімі атынан кітапхана дүңгіршікмізге, «Ал да, оқы» буккроссинг, «Кітап – сарқылмас рухани әлем» атты тақырыпта көрмемізді құрдық, осы кітаптарымызды,екі тілде викториналық сұрақтар арқылы келген студенттер мен оқушылар арасында ойынымызды ұйымдастырып, сұрағымызға дұрыс жауап берген студенттер мен оқушыларымызға «тегін» берілді, сондай қызығушылықпен қайта – қайта сұрақтарымызға жауап берушілердің көптігі сондай, көрмедегі кітаптарымыз тез өтіп кетті.

Арқалық қаласындағы №2 обдыстық әмбебап ғылыми кітапханасындағы «Туған жерге деген сүйіспеншілікпен...» атты тақырыпта өткен кітапхана түні акциясы түрлі шараларға толы болды. Мәселен, оқу залы ұйымдастырған шаралардың басын туған жердің танымал ақыны Сырбай Мауленовтың 95 жылдығына арналған «Қазақ жырының тұлпары» атты жыр кеші бастады. Кеш барысында жиналған жұрт Сырбай ақынның сырлы өлеңдерімен сусындап, ақынның өмір жолы және шығармашылық жолындағы  тамаша еңбектерімен танысты. Сондай-ақ ақын жайлы естеліктер бейне жазбадан тыңдалып, ақынның соғыс, табиғат сырларына толы  сырлы өлеңдері жастардың орындауында мәнерлеп жүрекке жетіп жатты. Кеш соңын ала биылға байқауға қатысып отырған  ақынға арналған «Сырбайдың  сырлы әлемі» атты кітап көрмесіне келушілердің назарын аударып шолу жасалды.

Қала күні қарсаңында Облыстық №2 әмбебап ғылыми кітапханасының халыққа қызмет көрсету бөлімінің ұйымдастыруымен «Тыңынан текті Торғай туған қала » (қала куніне арналған) атты тақырыпта көрме-викторина тұсаукесері өтті.

Іс-шараны «Арқалыққа арнау» өлеңімен Арқалық мемлекеттік педагогикалық институтының студенті Еркінғазы Айтбаев ашты.