24.09.2019 ж.

Парламент палаталарының бірлескен отырысында Мемлекет басшысы Қасым –Жомарт Тоқаев Кемелұлы Қазақстан халқына алғашқы жолдауын жариялады. Осыған орай еліміздің түкпір-түкпірінде көптеген іс-шаралар жүзеге асырылып, жастарға қолдау көрсетілуде. Жолдау «Сындарлы қоғамдық диалог- Қазақстанның тұрақтылығы  мен өркендеуінің негізі» деп аталады.

 Арқалық қаласындағы облыстық № 2 әмбебап ғылыми кітапханасының абонемент бөлімінің ұйымдастыруымен  жиырмасыншы ғасырдағы қазақ әдебиетінің іргелі жанырларын қалыптастырған, аса көрнекті суреткер жазушы, ақын, әрі драматург Бейімбет Майлиннің 125 жылдығына орай «Әйел теңдігінің жыршысы» тақырыбында оқырман конференциясы өткізілді. Іс-шара барысында әдебиетіміздің алып бәйтерегі Бейімбет Майлиннің өмірбаяны мен еңбектері жайлы айтылып, «Шұғаның белгісі» хикаяты толықтай талқыланды. Майлин өз шығармаларына халықтың мұң-мұқтажын, ескі әдет-ғұрып ата-бабалар салтымен шешілген қыз тағдырын арқау етті. Ол драматургия, проза салаларының дамуына үлкен үлес қосқан. Бейімбет Майлин шығармаларының дені әйел теңдігі  жайлы болса, солардың ең шоқтығы биігі -  «Шұғаның белгісі». Бұл шығармасында қазақ қызының қатал әдет-ғұрыппен тағдырына еріксіз бағынуы суреттелген.

09.09.19 ж.    

Абонемент бөлімде  "Кітапхана әлеміне саяхат" атты ақпараттық апта басталды.

11.09.19 ж.

Өлең сөздің падишасы Назаға (ақын, қоғам қайраткері                   Назарбек Бектемісовтың туғанына 90 жыл)

Арқалық қаласындағы облыстық № 2 әмбебап ғылыми кітапханамыздың  абонемент бөлімінің ұйымдастыруымен 11 қыркүйек күні  ақын,  қоғам қайраткері Назарбек Бектемісұлы   90 жыл толуына орай  поэтикалық арена түрінде іс – шара өткізілді.

12.09.2019 ж.

 Елімізде 2013 жылдан бастап қыркүйек айының екінші жексенбісі  отбасы күнін және аналар күнін  атап өту дәстүрге айналды. Осы айтулы мерекеге орай №2 Облыстық әмбебап ғылыми кітапханасының оқу залы бөлімінде "Отбасы-тәрбие бастауы"атты іс-шара өтті.