«Атамекен –алтын бесік»
Сұлу дала! Менің сүйген еркемсің,
Жаным сенен жаратылған өлкемсің.
Қандай жақсы, қазақ болып туғаным,
О, туған жер, тамашасың көркемсің!.
«Кітапхана түні-2017» атты іс шарамыз екінші рет өткізілді
28 қыркүйек 2017 жылы Облыстық әмбебап ғылыми кітапханасында «Кітапхана түні-2017» атты іс шарамыз екінші рет сағат 18.00. - 22.00. өткізілді. Кітапсақтау бөлімі атынан кітапхана дүңгіршікмізге, «Ал да, оқы» буккроссинг, «Кітап – сарқылмас рухани әлем» атты тақырыпта көрмемізді құрдық, осы кітаптарымызды,екі тілде викториналық сұрақтар арқылы келген студенттер мен оқушылар арасында ойынымызды ұйымдастырып, сұрағымызға дұрыс жауап берген студенттер мен оқушыларымызға «тегін» берілді, сондай қызығушылықпен қайта – қайта сұрақтарымызға жауап берушілердің көптігі сондай, көрмедегі кітаптарымыз тез өтіп кетті.
«Кітапхана түні – 2017 оқу залында»
Арқалық қаласындағы №2 обдыстық әмбебап ғылыми кітапханасындағы «Туған жерге деген сүйіспеншілікпен...» атты тақырыпта өткен кітапхана түні акциясы түрлі шараларға толы болды. Мәселен, оқу залы ұйымдастырған шаралардың басын туған жердің танымал ақыны Сырбай Мауленовтың 95 жылдығына арналған «Қазақ жырының тұлпары» атты жыр кеші бастады. Кеш барысында жиналған жұрт Сырбай ақынның сырлы өлеңдерімен сусындап, ақынның өмір жолы және шығармашылық жолындағы тамаша еңбектерімен танысты. Сондай-ақ ақын жайлы естеліктер бейне жазбадан тыңдалып, ақынның соғыс, табиғат сырларына толы сырлы өлеңдері жастардың орындауында мәнерлеп жүрекке жетіп жатты. Кеш соңын ала биылға байқауға қатысып отырған ақынға арналған «Сырбайдың сырлы әлемі» атты кітап көрмесіне келушілердің назарын аударып шолу жасалды.
«Тыңынан текті Торғай туған қала» көрме-викторина тұсаукесері
Қала күні қарсаңында Облыстық №2 әмбебап ғылыми кітапханасының халыққа қызмет көрсету бөлімінің ұйымдастыруымен «Тыңынан текті Торғай туған қала » (қала куніне арналған) атты тақырыпта көрме-викторина тұсаукесері өтті.
Іс-шараны «Арқалыққа арнау» өлеңімен Арқалық мемлекеттік педагогикалық институтының студенті Еркінғазы Айтбаев ашты.
«Ардагерлер – тұнған шежіре!»
Қазақстан Республикасы дана қарияларды сыйлап, еткен еңбектері мен еліне сіңірген қызметтерін бағалап, жыл сайын 1 қазанда – «Қартар күні» деп мерекелеуді қолға алған болатын. Осы мерекеде елімізде қадірлі қариялар – ардагерлерді аялап, құрметтеп, сый-сиапат жасап, атап өту басты міндетке айналды.
«Дәуірдің ұлы, ғасырдың үні»
Арқалық қаласындағы №2 облыстық ғылыми-әмбебап кітапханасында белгілі ақын М.Шахановтың 75 жасқа толуына арналған әдеби- сазды кеш өтті.