28.02.2020 ж.

28 ақпан күні Арқалық политехникалық колледжінде Абай Құнанбайұлының 175 жылдық мерейтойына арналған «Асыл сөзді іздесең, Абайды оқы ерінбе...» атты колледж ішілік байқау өтті.

Байқаудың мақсаты: Ұлы ақынның өнегелі өмірімен таныстыру, ақынның даналығын, рухани асыл мұраларын насихаттап, өлеңдерін, әндерін мәнерлеп айтқызу. Көркем сөйлеуге, өз бетімен іздене білуге, шығармашылықпен жұмыс істеуге көмектесу.

Байқауға 6 үміткер қатысып,   3кезеңнен тұратын байқауға ұлы ақынның өлеңдері мен қара сөздерін жатқа оқып, өмірі мен шығармашылығы жайында білімдерін көрсету бойынша сынға түсті.

1кезең «Абай әлемі»

2 кезең «Өлең сөздің патшасы -сөз сарасы»

3кезең «Абай қара сөздері- даналықтың шыңы»

Іс-шара алдымен студенттердің театрланған қойылымнан басталды.

Қатысушылар алғашқы айналымнан бастап, ұяшықтағы сұрақтарға жауапты мүдірмей жауап беріп, келесі айналымдарда ақынның өлеңдерін, қара сөздерін де  жатқа айтты.

Кеш соңында  № 2 ОӘҒ кітапханасының оқу залы бөлімінің  «Әлем таныған ұлы Абай » атты көрмеміз ұйымдастырылып,шолу жасалды. Көрмеге Ұлы Абайдың өмірі мен шығарамашылығы, еңбектері мен танымал тұлғалардың ақын туралы жазылған мақалалары ұсынылды.