25.11.2025

Биыл аса көрнекті қоғам және мемлекет қайраткері Смағұл Садуақасұлының туғанына 125 жыл толып отыр. Осы мерейлі жыл аясында ОӘҒК №2 кітапханашыларының ұйымдастыруымен Қазтұтынуодағы Арқалық көпсалалы колледжінде қазақ тарихындағы бірегей тұлғаға арналған «Смағұл Садуақасов - ұлт қайраткері» тақырыбында тарихи сағат өтті.

Тағылымды шарада С.Садуақасұлының қамшы сабындай келте ғұмырында атқарған өлшеусіз еңбектері туралы баяндалып, жиырма жасында үлкен саясат айдынында өз желкенін көтерген біртуар азамат жайлы деректі бейнематериал көрсетілді. Кеш барысында саяси қайраткер туралы Б.Әлімжановтың С.Садуақасұлына арналған «Смағұл ішкен у» атты жыр жолдары оқылып, қайраткердің толымды өмірбаяны, саяси - қоғамдық қызметі мен жазған еңбектері жайлы тың мағлұматтар беретін әдебиеттерден құралған кітап көрмесі таныстырылды.