«Ұлттық библиографияны дамыту: тәжірибе, заманауи технологиялар мен интеграция мәселелері»

12 қарашада ҚР Ұлттық кітапханасының ұйымдастыруымен Қазақстан Республикасы Ұлттық кітапханасының құрылғанына 115 жыл, Алаш қайраткері Міржақып Дулатұлының туғанына 140 жыл және Қазақстанның көрнекті кітапхана қайраткері Роза Бердіғалиеваның туғанына 80 жыл толуына арналған «Ұлттық библиографияны дамыту: тәжірибе, заманауи технологиялар мен интеграция мәселелері» атты Халықаралық ғылыми-тәжірибелік конференция өткізілді.

Конференция барысында кітапхана ісін цифрландыру, ұлттық библиографияны жаңғырту, заманауи ақпараттық технологияларды енгізу және халықаралық ынтымақтастықты дамыту бағыттары талқыланды.

Аталған іс-шараға, Zoom платформасында, Арқалық қаласындағы облыстық № 2 әмбебап ғылыми кітапханасының Ақпараттық-библиографиялық қамтамасыз ету бөлімінің библиографы Тұяқбаева Жаңагүл Қойшықызы «Міржақып Дулатұлы – қазақтың тұңғыш библиографы» тақырыбындағы баяндамамен қатысып, ұлт руханияты мен библиография саласындағы тың деректермен бөлісті.

Осындай ауқымды басқосуға қатысу – кітапхана қызметкерлері үшін тәжірибе алмасудың, кәсіби дамудың және ұлттық рухани мұраны насихаттаудың маңызды қадамы болмақ.