«Кітапхана түні» 2010 жылы маусым айында мүдделі адамдар тобы ойластырып, жоспарлап facebook әлеуметтік желісіне берген. Қазақстанда кітапхана түнін алғаш рет С.Бегалин атындағы республикалық балалар кітапханасы өткізді.

Ал біздің облыстық № 2 ғылыми әмбебап кітапханасында  алғаш рет 2016 жылдың 29 қазанында  ұйымдастырылған болатын.

Мәдениеті жағынан жақын көрші елден келген бұл идея өзінің қажеттілігін көрсетті. Шақырылған қонақтар әсіресе жастар өте қызығушылық танытты. Бұл, біздің жастарды, кітапқа деген белсенділігін,сезімін бақылау, кітап оқуға деген ынтасын арттыру, сауаттылықты қолдау, рухани мұраны сақтау, туған тілге деген құрметті дәріптеу. Сонымен қатар осы өңірде тұрып жатқаң барлық адамдардың, өзі тұрып жатқан елді мекеннің тарихын, мәдениетін, әдебиетін, тұлғаларын білу әсте керек екені анық.

Осы орайда біздер бүгінгі думанымызды Торғай ақын- жазушыларына арнадық.

Баршамызға белгілі  Торғай өңірінің де басынан кешпеген ауыртпалығы аз емес.Қысы қатал, жазы аптап табиғаты да алғаш көрген кісіні тамсандыра қоймайды.

Бірақ осында туып, осында өскен әрбір жан үшін Торғайдан асқан жер жаннаты жоқ! Солай емеспе? Сондықтан ба екен, осы бір кішкене құс аттас мекен ежелден талантқа бай. Бүкіл елімізге аты мәшһүр қаншама ақын- жазушылар мен ғалымдар шыққан! Ән әуелеткен бұлбұл көмей әншілер, күмбірлетіп күй төккен дүл-дүл күйшілер де осы елде.

Сол бір жан баурап, жүрек тебіренткен әндер мен күйлерді тудырған, яғни дүниеге сәбидей аялап әкелген сазгерлер де баршылық мұнда.

Әр жердің өзіне тән әуені, мақамы бар. Бұл Торғай әуендері өзіндік  ерекшелігі бар үлкен мектеп.

Осы сазгерлердің әуеніне ән жазатын ақындарымыз. Сырбай Мәуленов, Ғафу Қайырбеков, Серік Тұрғынбеков, Серікпай Оспанов, Ақылбек Шаяхметов, Жолбарыс Баязид қажы, Жұмаш Сомжүреков, Нағашыбай Мұқатов, Мұрат Жүнісұлы  өнерге деген, өнер адамына деген үлкен жанашырлықпен туындаған дүниелерін қалың қауымға арнайды. Міне осы орайда  әдеби сазды бағдарламаны Б.Сәуекеновтың «Туған жер - Торғайым» әнімен ашып, ақынымыз  Арқалық қаласындаға  Дала өлкесі тарихи мұркажайының қызметкері Батырлан Сағынтаев пен Н.Құлжанова  атындағы пед.колледжінің студенті Әуезхан Ернұр арнау айтып  қала халқы мен кітапхана ұжымына  мерекелік  құттықтауларын білдірді.

Әрі қарай Торғай ақындары мен сазгерлерінің әндері орындалдып, көркемсөздер оқылды. Кешке Арқалық қаласындағы Мемлекеттік педагогикалық институтының ЕШТ факультетінің 1 курс студенттері қатынасты  және Н.Құлжанова атындағы пед. колледж студенттері  қанынасып өз өнерлерін көрсетті. Сонымен қатар көрермендермен түрлі ойындар ойнатылып,  жеңімпаздарға сыйлықтар ұсынылды. Кешіміз тақырыбымызға сай өте қызықты да  көңілді өтті.