13.12.2024 

№2 ОӘҒК ел егемендігін алуда батыл қадам болған 1986 жылғы Желтоқсан оқиғасы мен оның қаһармандарын ұлықтау мақсатында «Жадымда қалған желтоқсан» атты кездесу кеші өткізілді.

Аталған іс - шараға желтоқсан оқиғасының куәгерлері Бекентаева Ж. Е., Әубәкірова Ә. Қ., Сүлекеева А. А., Мырзахметова С. К., Құсайынова Д. Е., сондай - ақ, Арқалық қаласының құрметті азаматтары шақырылды. Арқалық қаласының әкімі Асанов Әмірхан Біркенұлы құттықтау сөз сөйлеп, жастармен бірге алаңға шығып, қазақ жастарын қолдаған қайсар жүректі жандарға құттықтау хаттарын табыс етті.
Ұлы күнді ұлықтауға арналған тағылымды іс - шарада желтоқсан шеруін көзімен көрген кеш қонақтары сол бір тарихи күн жайлы естеліктерімен бөлісіп, желтоқсан оқиғасы жайында сыр шертетін баспасөз беттері мен әдебиеттерден тұратын кітап көрмесі таныстырылды.