1991 жылғы 16 желтоқсан - төл тарихымыздағы мерейлі белес. Бұл - егемен ел болуды аңсаған ата-баба арманы ақиқатқа айналған ұлы күн. Сонымен қатар бұл күні сол Тәуелсіздіктің бастауы болған «Желтоқсан» оқиғасының қатысушыларына құрмет көрсетіп, тағзым етеміз. Осы орайда «Елдікті сақтаған ерлік» тақырыбында тағылым сағаты өткізілді. Іс-шара барысында 1986 жылдың ызғарлы желтоқсанында бодандық бұғауын бұзып, бостандық тілеп бұлқынған қазақ жастарының егемендікке бастар жолдағы ерліктері насихатталды.

Тәуелсіздік - баға жетпес байлық. Бәріміз оны көздің қарашығындай сақтауымыз керек. Мемлекетіміздің егемендігін, еліміздің амандығы мен жеріміздің тұтастығын қорғау - әр азаматтың қастерлі борышы.