31.10.2024 ж.

2024 жылдың 31 қазаны күні ХХХVІІ «Өнерім саған, Қазақстан» атты облыстық көркемөнерпаздардың халық шығармашылық байқау фестивалы өткізілді.
Байқау қарсаңында Арқалық қаласындағы облыстық №2 әмбебап ғылыми кітапханасының ұйымдастыруымен Арқалық қаласындағы қазақ жасөспірімдер театрында, Қазақстанның Халық ақыны, атақты айтыскер, сөз сүлейі, сайыпқыран сатирик, қарымды қаламгер, тіл жанашыры, композитор, журналист - Қонысбай Әбілдің 70 жылдығына арналған «Тұлпар ғұмыр» атты кітап көрмесі оқырмандар мен келушілердін назарына ұсынылды.
Жерлесіміздің өнегелі өмірі мен ғибратты істерін насихаттау мақсатында қойылған көрмеде Қонысбай Әбілдің өмірі мен шығармашылығынан сыр шертетін әдебиеттер мен мерзімдік басылым беттері қойылды.