11.09.2024
Арқалық қаласындағы облыстық №2 әмбебап ғылыми кітапханасының ұйымдастыруымен Ы.Алтынсарин атындағы Арқалық педагогикалық институты мәжіліс залында белгілі жазушысы, этнограф, ұстаз, танымал қолөнер шебері Сейіт Кенжеахметұлының 85 жылдығына арналған «Сейіт - ғалым, шебер, шешен, ұстаз» атты ғылыми-тәжірибелік конференция өтті. Мақсаты: Сейіт Кенжеахметұлының шығармашылығының асыл қайнарының көзін ашып, келер ұрпаққа насихаттау. Конференцияда Арқалық қаласы әкімінің орынбасары М.Жұманов, Светлана Сейітқызы, Арқалық қалалық маслихаты төрайымы Г.Елтебаева, АрПИ ректоры Ержан Әмірбекұлы құттықтау сөз сөйледі. Өлкетанушы, оюшы-шебер Шөптібай Байділдин, Сейіт ағамыздың шәкірті Салтанат Утельбаева, жыршы-термеші Қ.Қазымбекұлы, АрПИ профессоры Ардақ Әмірханқызы, кітапханашы Гүлназ Көшімбекқызы қатысып, Сейіт Кенжеахметұлы мұрасын қамтитын тағылымды да мазмұнды баяндамалар оқылды. «Сатира сардары, ғұлама ғалым» тақырыбында кітап көрмесіне шолу жасалып, «Семсер сөздің серісі» тақырыбымен кітапшалар және Алғыс хат табысталды. Конференция кітапханада «Қыр елінің Крыловы» атты әдеби кешпен қорытындыланды.