03.05.2024 ж.

«Ел қорғаны – қарулы күш»

Оқу залы кітапханашыларының ұйымдастыруымен «Қазтұтынуодағы Арқалық көпсалалы колледжі» мекемесінде 7 мамыр - Отан қорғаушылар күніне арналған «Ел қорғаны – қарулы күш» тақырыбында патриоттық сағат өтті.

Аталмыш іс-шарада елдіктің туын биік көтерген ерлеріміздің ерлік істері жайлы ақпарат беретін әдебиеттерден тұратын кітап көрмесі оқырмандардың назарына ұсынылды.

Сондай-ақ, атаулы күн қарсаңында патриоттық тақырыптағы өлең-жырлар оқылып, студенттер қазақ халқының тарихында өшпестей із қалдырған тұлғалар туралы викториналық сұрақтарға жауап берді. Іс-шара соныңда колледж кітапханашысы Айым Нұрымқызы мекеменің кітапхана кешенімен таныстыру жұмыстарын жүргізді.