Өнер секторының ұйымдастыруымен - Республика күні қарсаңында «Менің елім - мәңгілік ел» тақырыбында әдеби-музыкалық композиция өтті. Шараның мақсаты - Отанымыздың байтақтығын, тарихын, байлығын, тәуелсіздігін насихаттай отырып, жастардың бойында отансүйгіштік қасиеттерін ояту. Іс-шара бейнеролик көрсетілуімен басталып, ҚР әнұраны орындалды. Кеште еліміздің маңызды тарихи, саяси кезеңдері айтылып, мемлекеттік рәміздерімізге жеке тоқталып, авторлары жөнінде мәлімет берілді. 1990 жылы 25 қазанда қабылданған Декларация туралы АрПИ 2 курс студенті Жәнібек Есімсеріұлы нақышына келтіріп монолог оқыса, мектеп оқушыларының орындауында көркемсөз оқылып, күйден, биден шашу шашылды. Кешімізді әсем әнмен әрлеген кітапханашылар мен іс-шараға белсенділік танытып, қатысқан АрПИ студенттері және қала мектебінің оқушылары.