Оқу залы бөлімінде «Парасат жолы» жобасы бойынша «Жемқорлық түбі –қорлық» тақырыбында кітап сөресі ұйымдастырылды. Сөреге еліміздегі жемқорлықпен күрес жөніндегі ҚР нормативті-құқықтық актілері, мемлекеттің бұл құбылыспен күрес туралы қолданылатын шаралары жайлы кітаптар және мерзімді басылым беттерінен мақалалар қойылды. Аталған сөренің мақсаты  өскелең ұрпақты Қазақстандық патриотизмге және сыбайлас жемқорлық құқық бұзушылыққа мүлдем төзбеушілікке тәрбиелеу. Сыбайлас жемқорлықпен күресу Қазақстанның бүгінгі күнгі күрделі мәселесі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын әлемдегі барлық елдердің қай-қайсысын да қатты алаңдататыны анық. «Тура биде туған жоқ, туғанды биде иман жоқ» деп қара қылды қақ жарып, турасын айтып, әділдікке жүгінген қаймана халықтың ұрпағы бүгінгідей өз алдына ел болып, еңсесі биік дамыған мемелекеттердің қатарына жетуді көздеп отырған шақта сол адами қалып- парасат биігінен көрінуге тиіспіз.