Арқалық қаласындағы Облыстық № 2 әмбебап ғылыми кітапханасының әдістеме-библиография бөлімінің ұйымдастыруымен 30.09.2020 ж. күні «Киелі жерлер бірлік пен жаңғыру нышаны» тақырыбында аймақтық онлайн зерделі кеңес өткізілді. Бұл кеңеске Аманкелді, Жанкелдин, Арқалық орталықтандырылған кітапханалар жүйесі қатысты.

Зерделі кеңестің мақсаты - Өлкенің қасиетті жерлерін насихаттау.Кітапхана қызметкерлерінің шығармашылық белсенділігін арттыру.

Зерделі кеңесте: кітапхана басшысы Борибаева Қазына Байсабекқызы сөз сөйлеп, қатысушыларға сәттілік тіледі.

Кеңес барысында № 2 ОӘҒК-ның библиографы Ермағанбет Сәуле Ғалымжанқызы «Өлкетану тарихы, бүгіні және даму болашағы», Жанкелді ОКЖ библиографы Нургазина Майра Бағдақызы «Ұшырған ұлылар мен даналарды Торғайым тарих болып сақталады», Арқалық ОКЖ библиографы «Сакральды орындар – киелі тарихтың негізі», Аманкелді ОКЖ библиографы Аубакирова Алтын Қазтайқызы «Аманкелді ауданы төңірегінде ұмыт қалған киелі жерлер» тақырыптарында баяндамалар тыңдалды.