2022 – Балалар жылы аясында Арқалық қаласындағы облыстық әмбебап ғылыми кітапханасының балалар әдебиеті бөлімінің ұйымдастыруымен 1 маусым – Халықаралық балаларды қорғау күніне «Балалар күлкісі – әлемнің көркі» атты бэби-шоу мерекелік бағдарламасы өткізілді. Мерекелік іс-шараға келген «Золотой ключик», «Раушан», «Алпамыс», «Ақбота» балабақша бүлдіршіндері мен кітапханамыздың тұрақты оқырмандарын ертегі кейіпкерлері Қызыл Телпек және Микки Маустар қарсы алды.

Бұл іс-шараны өткізудегі мақсат балалардың жеке қасиеттерін дамытып, таланттарын ұштап, бірін-бірі сыйлауға, адамгершілікті жоғары ұстауға жетелей отырып, кітапхана қорындағы ерекше кітаптармен таныстырып кітап оқуға баулу.

Мерекелік іс-шараға белсене қатысқан бүлдіршіндерді марапаттап, тәтті сыйлықтар таратылды.