Құрметті оқырмандар! «Қазақтың 100 романы» сериясы бойынша жарық көрген кезекті туынды жазушы Смағұл Елубайдың «Ақбоз үй» романы. Өткен ғасырдың 30-жылдарындағы ашаршылық зардаптары, қуғын-сүргін оқиғалары жөнінде кеңінен баяндалады. Жазушы бұл еңбегінде ерекше суреткерлігімен, трилогиясының көркем құрылымымен көзге түседі. Автор Кеңес кезінде ашаршылыққа ұшыраған халықтың хал-ахуалын, «асыра сілтеудің» елге әкелген зардабын шебер суреттеп, ел басқарып отырғандардың жағымсыз қылықтарын, пасықтығы мен әділетсіздіктерін әшкерелей жазады. Жазушы отызыншы жылдардағы «ақтаңдақтар», «қарадақтар» миллион даған жазықсыз жандардың аштан қырылып, қуғын-сүргінге ұшыраған кезеңінің, Ұлы Отан соғысының зардаптары, одан бергі тұралау, тоқырау заманы тарихының кең ауқымды панорамасын жасай білген.