"Арқалық қаласындағы облыстық № 2 әмбебап ғылыми кітапханасы" КММ
0
«Үш тұғырлы тіл – уақыт талабы»

14.09.18                                              

 

«Үш тұғырлы тіл – уақыт талабы»

 

Тіл – қай ұлтта, қай елде болса да қастерлі, құдыретті. Ол әрбір адамға ана сүтімен бірге еніп, қалыптасады.


Елімізде қыркүйек айының үшінші жексенбісі – Қазақстан Республикасы халықтарының тілі күні. Тіл байлығы - әрбір елдің ұлттық мақтанышы. Ол атадан балаға мирас болып қалып отыратын баға жетпес мұра. Демек, әр адам ана тілін қорғауға, оның орынсыз шұбарлануының қандайына болса да қарсы тұруы тиіс. Қазіргі таңда қоғамдағы және мемлекетімізді алаңдатып отырған күрделі мәселелердің бірі – тіл мәселесі. Қазіргі қоғам талабы үш тілді меңгеру және меңгерту болып тұр.


Үш тілді меңгерту және үш тілде білім беру қажет. «Заман талабына сәйкес бірнеше тілді меңгерудің артықтығы жоқ» деп Елбасымыз Нұрсұлтан Назарбаев өз жолдауында айтқан болатын.


Тәуелсіздіктің негізгі тірегі – ұлттың тілі, діні. Тәуелсіз еліміз – көпұлтты мемлекет екендігі баршамызға аян. Елбасының көреген саясатының арқасында еліміздегі барша ұлт өкілдерінің ана тілдеріне ешқандай нұсқан келтірілмей, мемлекет қолдауымен өркендеп дамуда. Осындай мақсатпен Арқалық қаласындағы облыстық  № 2 әмбебап  ғылыми кітапханасының қазақ әдебиеті бөлімінде  22 қыркүйек күні Қазақстан халықтарының тілдер мерекесіне орай «Үш тұғырлы тіл – уақыт талабы» атты  үш бөлімнен тұратын І бөлім. «Сұрақ – жауап», ІІ бөлім. «Қызықты граматика», ІІІ бөлім. «Жеті жұрттың тілін біл» интеллектуалды ринг өткізіліп, үш бөлімді қамтып отырған кітап көрмесіне шолу жасалынды, яғни олар: І бөлім - «Туған тілің сатылмайтын байлығың», ІІ бөлім - «Тіл – тірегіміз, соғып тұрған жүрегіміз», ІІІ бөлім - «Қазақ тілі - қазыналы тіл». «Үш тұғырлы тіл – уақыт талабы» атты кітап көрмесі ұйымдастырылып, шолу жасалынды.


Іс – шара мақсаты: Оқырмандарға тіл мәртебесін биік ұстау туралы, әр ұлттың өзіндік ерекшеліктері мен салт – дәстүрі, діні, тіл ерекшелігі болатынын түсіндіру; Тәуелсіз елімізде өмір сүріп отырған түрлі ұлт өкілдері арасындағы достық пен бірлікті нығайту барысында мемлекеттік тілге құрмет сезімдерін қалыптастыру, үштілдік саясатын дамыту. 


Оқырмандарды туған халқының тілін қастерлейтін саналы да парасатты азамат етіп тәрбиелеу. Кітап көрмесіне Арқалық қаласындағы Н. Құлжанова атындағы Торғай гуманитарлық колледждің І –курс студенттері қатысты.